Trump, Koresë Veriore: Të gjitha opsionet janë në tavolinë

21:33 | 29 Gusht 2017
Trina Galanxhi

Atmosfera e fillimit të Luftës së Tretë Botërore ka marrë përmasa më të mëdha, pasi Koreja Veriore vendosi që të lëshojë raketë në drejtim të Japonisë.

Provokimëve të Koresë Veriore menjëherë i janë përgjigjur forcat e Koresë Jugore, të cilat lëshuan tetë bomba pranë kufirit me veriun, ndërsa në anën tjetër kryeministri japonez, Shinzo Abe, deklaroi se Japoni do të marrë të gjitha masat për të mbrojtur popullin e saj, transmeton portali arbresh.info

Një përgjigjje ushtarake në drejtim të Koresë Veriore nuk është përjashtuar as nga SHBA-të, pasi Presidenti Trump ka deklaruar se ‘të gjitha opsionet janë në tavolinë’.

“Kërcënimet e fundit vetëm sa po e thellojnë edhe më shumë izolimin e Koresë Veriore”, ka deklaruar Trump.

Ai është zotuar se do të qëndrojë pranë Japonisë dhe Koresë Jugore.

Raketa e fundit e lëshuar nga regjimi i Kim Jong-un u rrëzua në Detin e Japonisë pasi fluturoi 2700 km dhe arriti lartësinë maksimale prej 550 km./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm